Թաքցրեք գաղտնի տվյալները պատկերների մեջ

Եթե ցանկանում եք պահել Ձեր գաղտնի տվյալները (գաղտնաբառեր, բանկային քարտի PIN կոդեր և այլն) օտար աչքերից հեռու, ապա կարող եք այդ տվյալները պահել պատկերների մեջ: Այդ մեթոդը կոչվում է Ստեգանոգրաֆիա: Այն իրենից ներկայացնում է գաղտնի տվյալներ պահելու շատ օգտակար մեթոդ: Օրինակ, եթե որևէ մեկը գողանում է Ձեր համակարգչի տվյալները, ապա նա հաստատ չի կարող գուշակել, որ Ձեր գաղտնաբառը թաքնված է նկարի մեջ: Գոյություն ունեն բաղմաթիվ ծրագրեր, որոնք նախատեսված են պատկերների մեջ ինֆորմացիա պահելու համար: Ընդ որում պարտադիր չի, որ թաքցնեք միայն որոշակի տեքստ: Կարող եք պատկերի մեջ պահել նաև տարբեր ֆայլեր (Օրինակ նկարի մեջ պահել մեկ այլ նկար կամ վիդեո) Ներկայացնում եմ մի օնլայն ծառայություն, որի միջոցով կարող եք պատկերի մեջ պահել որոշակի տեքստ: Չնայած կարող եք օգտագործել ստեգանոգրաֆիան առանց գաղտնաբառերի, բայց այս ներկայացվող ծառայությունում պահանջվում է նաև մուտքագրել գաղտնաբառ:

Թաքցնելու համար

1. Այցելեք այս կայքը:

2. Սեղմեք Choose File և ընտրեք նկարը, որի մեջ ցանկանում եք պահել տվյալներ:

3. Գրեք այն ինֆորմացիան, որը ցանկանում եք պահել:

4. Գրեք որևէ գաղտնաբառ:

5. Սեղմեք Hide Message

6. Պահպանեք նկարը (աջ click արեք բացված նկարի վրա և սեղմեք Save Image As)

Թաքցրած տվյալները տեսնելու համար

1. Այցելեք այս կայքը:

2. Սեղմեք Choose File և ընտրեք նկարը, որի մեջ պահպանել եք տվյալներ:

3. Գրեք այն գաղտնաբառը, որը օգտագործել եք տվյալները պահելու համար:

4. Սեղմեք Reveal Your Message